台语绕口令

　　1、喂喂喂，台湾出甜粿，甜粿真好食，台湾出木屐，

　　木屐真好穿，台湾出鵁鴒，鵁鴒会讲话，台湾出棉被，

　　棉被盖会烧，台湾出芎蕉，芎蕉真大枇，台湾出蕃薯，

　　蕃薯真正好，台湾是宝岛。

　　2、大头仔大头仔生後生，後生生了卖肉羹；肉羹肉羹结规丸，大头仔讲伊欲卖肉圆

　　肉圆歹吃无人买，大头仔想欲卖碗粿；碗粿碗粿冷吱吱，大头仔气着卖花枝

　　花枝花枝真臭臊，大头仔换来卖米糕；米糕米糕烧滚滚，大头仔讲伊欲卖米粉

　　米粉米粉滚袂烂，大头仔毋知欲按怎 欲按怎？

　　3、一个囡仔伫咧吼，雄雄看着一只狗，囡仔起跤走，跋倒捙畚斗，

　　阿娘伫外口，籴米籴一斗，转来欲煮昼，看到囝仔吼，

　　囡仔一面哭一面吼，无爱食中昼，怹娘竹仔枝一下到，赶紧起跤走

　　一时心情乱糟糟，莫搁吵，莫搁拗，赶紧转去厝里食中画。

　　4、和尚弄破鼓，提裤来补鼓，鼓破 裤补；裤破 布补，唔知是布补裤，抑是裤补鼓。

　　5、西北雨，滴滴落，鲫仔鱼要娶某，鮕玳兄，打锣鼓，媒人婆，土虱嫂，

　　天色暗，寻无路，赶紧来，火金姑，做好心，来照路，西北雨，滴滴落。

　　6、火金姑来食茶，茶烧烧食芎蕉，芎蕉冷冷食龙眼，龙眼会开花，匏仔换冬瓜。

　　冬瓜好煮汤，匏仔换粗糠，粗糠爱起火，九婶婆仔爻炊粿，炊佮臭火焦兼着火。

　　7、一的炒米香，二的炒韭菜，三的冲冲滚，四的炒米粉，五的五将军，六的六子孙，

　　七的分一半，八的爬上山，九的九婶婆，十的撞大锣。打你千，打你万，

　　打你一千又一万，羞羞羞袂见笑，臆输毋甘愿，耍输起虾龟，

　　毋甘愿起虾龟，我欲来去投老师，投老师。

　　8、点仔点仔点水缸，什麽人放屁烂跤尻。点仔点仔点册包，什麽人有闲来阮兜。

　　点仔点仔点茶壶，什麽人今暗欲娶某。点仔点仔点叮当，什麽人今暗欲嫁尪。

　　点仔点仔点铅笔，你是歹囝白贼七。点仔点仔点纷纷，你是英雄去做军。

　　9、有一个人姓布，手提一匹布，行到双叉路，雄狂入当舖，

　　当钱一千五，行转双叉路，买了一担醋，担转双叉路，看着一只兔，

　　囥落醋，赶了兔，掠着兔，褪了裤，包了兔，咬破裤，走了兔，囥落醋，

　　赶了兔，偃倒醋，亦无裤，亦无兔，亦无布，气死迄个人 姓傅！

　　10、今有「一个回仔一个开仔」佮「一个鎚仔一个开仔」欲把「铁仔一个罐仔」开予开，是用「回仔一个开仔」等到「铁仔一个罐仔」开开开，犹是用「鎚仔一个开仔」开「铁仔一个罐仔」彼个「铁仔一个罐仔」才会开开开。

　　11、做人的新妇着知道理，晏晏去困着早早起，又搁烦恼天未光，

　　又搁烦恼鸭无卵，烦恼小姑欲嫁无嫁妆，烦恼小叔欲娶无眠床。

　　做人的新妇着知道理，晏晏去困着早早起，起来梳头抹粉点胭脂，

　　入大厅拭桌椅，踏入灶跤洗碗箸，踏入绣房绣针黹。
(m.taikS.com)

　　做人的新妇搁也艰苦，五更早起人嫌晏，烧水洗面人嫌烧，

　　白米煮饭人嫌乌，气着剃头做尼姑。

　　若是娶着彼落歹新妇，早早着去困，晏晏搁毋起床，

　　透早若是佮伊叫起，着面臭臭，头鬃又搁背块肩胛头，

　　柴屐又搁拖块胛脊後，着矻矻硞硞矻矻硞硞，

　　起来骂乾家官是老柴头。

　　12、初一早，初二巧，初三困到饱，

　　初四接神，初五隔开，初六挹肥，

　　初七七元，初八顺星（完全），初九天公生，初十有吃食席，

　　十一请子婿，十二查某子转来拜，(m.taiks.com)十三食暗糜配芥菜，

　　十四结灯棚，十五上元暝，十六相公生。